మంచిర్యాల, వెలుగు: గుడిపేట మౌంట్ కార్మెల్ హై స్కూల్ లో 11వ ఇంటర్ కార్మెల్ స్పోర్ట్స్ మీట్ 2025 ఘనంగా నిర్వహించారు. ఈ నెల 10,11తేదీలలో తెలంగాణ ప్రాంతంలో గల అన్ని కార్మెల్ స్కూల్స్న విద్యార్థులు పోటీల్లో పాల్గొన్నారు. శుక్రవారం జరిగిన కార్యక్రమంలో ముఖ్య అతిథులుగా ఫాదర్ జోష్, 13వ బెటాలియన్ కమాండెంట్ వెంకట రాములు, హాజీపూర్ తహసీల్దార్ దేశ్ పాండే శ్రీనివాస్ పాల్గొన్నారు. వివిధ స్కూల్స్ నుంచి వచ్చిన విద్యార్థులు ఉత్సాహంగా పోటీల్లో పాల్గొన్నారు. ఈ కార్యక్రమంలో వివిధ స్కూళ్ల ప్రిన్సిపాల్స్ సిస్టర్ ఆల్ఫీ, రినైట్, రిన్సీ, లిస్సల్, లిస్బబెత్, జ్యోతి, సాబస్య తదితరులు పాల్గొన్నారు.
